د خزاني سمستر لپاره متفرقه کانکور ازموينه واخيستل شوه!
دوشنبه، ۵/ سنبله / ۱۴۰۳
د مستقبل پوهنتون د (شرعیاتو، انجنیري، حقوقو او سیاسي علومو) پوهنځیو لپاره د ۱۴۰۳ لمریز کال خزاني سمستر متفرقه کانکور ازموینه واخیستل شوه.
د ۱۴۰۳ لمریز کال خزاني سمستر متفرقه کانکور ازموینه د مستقبل پوهنتون رهبرۍ پلاوي او د لوړو زده کړو وزارت په استازیتوب له وزارت څخه راغلي هیئت او د څو تنو ګډونوالو په شتون کې له مُهرلاک شوي بکس څخه پوښتنپاڼې را ووېستل شوې او د ازموینو ملي ادارې او لوړو زده کړو وزارت له خوا د ټاکل شوي طرزالعمل مطابق ازموینه پیل شوه.
یاد هیئت د مستقبل پوهنتون د رئیس، پوهندوی دوکتور شفیق الله امین او د علمي چارو د مرستیال استاد نجیب الله نصرت په ملتیا د ازموینې له صحنو څخه لیدنه او نظارت وکړ او ټولو ګډونوالو ته یې د بشپړ شفافیت ډاډ ورکړ.
د یادونې وړ ده چې د متفرقه کانکور ازموینې پایلې به ډېر ژر اعلان شي.
مستقبل، ستاسې د ځلانده راتلونکي په لور!
د عامه اړیکو او نشراتو آمریت
