مستقبل د لوړو زده کړو مؤسسه کې د 1403هــ ش کال د پسرلني سمستر جدیدالشمول محصلینو ته د ښه راغلاست او له پوهنتوني محیط سره د اشنایۍ غونډه ترسره شوه.
ورځ: شنبه نېټه: 1403/01/11 (2024/03/30) هـ . ش
د1403 ه ش کال دپسرلني سمسټر د جدیدالشمول محصلينو لپاره د ښه راغلاست په مناسبت جوړه شوې غونډه د پوهنتون دغونډو په تالار کې ترسره شوه ، په یاده غونډه کې د درې ګونو پوهنځیو نویو محصلینو ، استاذانو ، آمرینو او د پوهنځیو رئیسانو ګډون درلوده ، د پوهنتون د محصلانو چارو آمر استاذ بلال نصرت ، د حقوق او سیاسي علومو پوهنځی رئیس استاذ نورمحمّد ثاقب، دشرعیاتو پوهنځې رئیس استاذ ګل احمد صافی او دانجنیرۍ پوهنځي رئیس استاذ انجنیر عزت الله عمری له خوا نویو جذب شویو محصلینو ته د مستقبل پوهنتون په اړه د معلوماتو ورکولوترڅنګ د نظم او ډسپلین لایحه، کرېډېت لایحه ، دحاضرۍ لایحه او نورې مهمې لایحې یې هم ورته شرحه کړې.
په پای کې نویو محصلینو پوهنتونې محیط او چاپیریال سره دبلدتیا په موخه د پوهنتون د علمي او اداري برخو څخه لیدنه وکړه .
د فرهنګي چارو کمېټه
