مستقبل پوهنتون د علمي مجلې جواز ترلاسه کړ!
مستقبل پوهنتون د خپلو علمي- تحصیلي لاسته راوړنو په لړۍ کې د لوړو زده کړو محترم وزارت څخه د (مستقبل علمي او څېړنیزې مجلې) د نشر رسمي جواز تر لاسه کړ.
د خصوصي لوړو زده کړو یو بنسټ لپاره د نشراتي ارګان د لرلو اهمیت په درک کولو سره مستقبل پوهنتون د لومړي ورځې څخه، تر دې دمه نه ستړي کېدونکې هلې ځلې کولې چې بالاخره د حوت د میاشتې په ۱۶ نېټه د څېړنې ،تالیف او ژباړې ریاست محترم رئیس د کتور حمید الله مزمل لخوا دمستقبل پوهنتون محترم رئیس دکتور شفیق الله امین ته دمستقبل علمي مجلې دفعالیت جواز ورکړل شو .
د مستقبل پوهنتون رهبرۍ هئیت له دغه علمي اقدام څخه د زړه له تله مننه او قدرداني کوي او ژمنه کوي، چې إن شاءالله د دې پوهنتون علمي او اداري کادرونه به د مجلې په معیاري کولو کې د هېڅ نوعه سعي او تلاش څخه درېغ ونه کړي .
د دې ارمان د تحقق په هیله!
دنشراتو مدیریت
